Presidenti i Lyon, Jean-Michel Aulas deklaroi se me 95% të mundësive sulmuesi Nabil Fekir do të qëndrojë. Kampioni i botës me Francën ka qenë i lidhur me disa ekipe gjatë merkatos, sidomos me Liverpool dhe Chelsea, që insistuan së tepërmi për të.
Fillmisht kanë qenë “The reds” të cilët kanë qenë afër marrëveshjes me Lyon për afrimin e sulmuesit, por mes klubeve nuk u arrit akordi për shkak të kërkesave të larta të francezëve.
Edhe Chelsea tentoi në orët e fundit të merkatos të afronte sulmuesin, por edhe në këtë rast marrëveshja nuk u konkretizua, ndërsa në Premier League, ku Fekir ka adhurues të shumtë, merkatoja është mbyllur tashmë.
