Interi është duke e përgatitur kontratën e re për mesfushorin kroat, Marcelo Brozovicin. Mesfushori iu bashkua Interit në vitin 2015 nga Dinamo Zagrebi për 5 milionë euro. QË nga atëherë ai i ka bërë 100 paraqitje dhe ka shënuar 17 gola.
AI ishte njëri nga lojtarët kyç të Kombëtares së Kroacisë, në Kupën e Botës, ku arritën deri në finale për herë të parë në histori të vendit, pastaj duke u mposhtur nga Franca me rezultatin 4-2.
Kontrata e tanishme e lojtarit përfundon në vitin 2021, dhe pasi të arrihet marrëveshja e kontratës së re, ai do të ketë një klauzolë në vlerë të 50 milionë eurove.
Për 25-vjeçarin interesim të madh ka shprehur klubi londinez, Chelsea, mirëpo si duket Brozovici do të mbetet edhe për një kohë të gjatë në Milano.