Yerry Mina, mbrojtësi kolumbian i Barcelonës, duket se ka vendosur të pranojë opsionin e kalimit tek Everton në Premier League. Në një ditë të furishme, për shkak të mbylljes së merkatos në Angli, drejtuesit e Everton kanë zbarkuar në Barcelonë për të mbyllur nënshkrimin e Yerry Mina.
Në këtë mënyrë, Everton do ta fitonte betejën kundër Manchester United, klub i cili në fund duket se është dorëzuar për shërbimet e kolumbianit, nëse marrim parasysh fjalët e fundit të Jose Mourinhos. Fakti që ai spekulon me një ofertë të mundshme për Godín të Atlético Madrid e konfirmon këtë.
Nuk përjashtohet fakti se gjatë “ekspeditës” në Barcelonë, përfaqësuesit e Everton të negociojnë edhe për André Gomes. Bisedimet janë ende në vazhdim, ndërsa merkatoja verore në Premier League mbyllet sot, në orën 18:00.
