Tek Atletico Madrid ka një çështje “Oblak”. Për portierin slloven klubi ka vendosur që deri në dhjetor të rinovojë kontratën, e cila skadon në vitin 2021, por lojtari nuk ka ndërmend ta bëjë një gjë të tillë, pasi ndihet i zhgënjyer me drejtuesit.
Oblak prej më shumë se një viti ka pritur që dikush nga klubi t’i konfirmojë besimin dhe ofertën për rinovim, por edhe një sërë premtimesh të pambajtura kanë bërë që raportet të mos jenë më si më parë. Oblak nuk ndihet i vlerësuar dhe i rëndësishëm për ekipin, ndaj dhe ky mund të jetë viti i fundit në radhët e “Los Colchoberos”.
