“Rusi 2018” ka qenë Botërori i rezultateve surprizë dhe do të mbahet mend gjatë në mendjet e tifozëve të futbollit. Por një tjetër rekord është vendosur në këtë Botëror, dhe është ai i portierit 45-vjeçar Esam El Hadari i cili është portieri me moshën më të madhe që ka luajtur një ndeshje në botëror.
Tashmë pas këtij kompeticioni të rëndësishëm El Hadari ka vendosur që ti japë fund karrierës së tij si futbollist duke varur dorezat në gozhdë.
“Jam krenar që kam luajtur në 159 ndeshje ndërkombëtare me Egjiptin, duke marrë pjesë në suksese të njëpasnjëshme. Shpresoj ta kem përmbushur me sukses misionin tim gjatë viteve të fundit, falënderoj familjen time, të cilët kanë përballuar vështirësitë e jetës sime dhe më kanë mbështetur në të gjitha hapat e mi”– tha ish-portieri i Egjiptit.
