Edhe Sampdoria ka një Ronaldo! Nëpërmjet profilit në “Twitter”, klubi italian ka zyrtarizuar marrëveshjen me Ronaldo Vieira.
Në komunikatën për shtyp lexohej: “Presidenti Massimo Ferrero dhe U.C.Sampdoria komunikojnë se kanë përfunduar blerjen e Ronaldo Augusto Vieira Nan (lindur në Bissau, Guinea-Bissau, më 19 korrik 1998) nga klubi i Leeds United F.C.”
Mesfushori i natyralizuar anglez largohet nga Leeds dhe transferohet te Sampdoria ku do të mbajë numrin 4. Prezantimi është bërë i ngjashëm me stilin dhe grafikën që përdori Juventus për blerjen e Cristiano Ronaldo nga Real Madrid, që tanimë është bërë një model simbol në rrjetet sociale.
