Roma nuk ndalet këtu. Pasi ka marrë N’Zonzi, drejtori sportiv Monchi po punon t’i bëj një dhuratë të fundit trajnerit Di Francesco, një sulmues krahu.
Emri në krye të listës, që njëkohësisht përfaqëson objektivin e fundit të Roma në merkato është Leon Bailey i Leverkusen, datëlindja 1997, i vlerësuar 50 milionë euro. Kjo është konsideruar një shumë e lartë në bisedat e para nga verdhekuqtë, por tratativat vazhdojnë.
Braziliani Taison i Shakhtar është alternativa, kushton 12 milionë euro, por mosha 30 vjeç tremb Monchi, i cili do të kishte dëshirë të merrte brazilianin tjetër te ekipi ukrainas, Marlos.
