Luhet në stadiumin Mikheil Meski të qytetit të Tbilisit në Gjeorgji, sfida e parë në turin e tretë eliminator të Europa League, mes Torpedo Kutaisit dhe Kukësit. Një sfidë e ndezur kjo, më shumë nga problemet jashtë fushe, që erdhën pas problemit me vizat për 4 lojtarë të ekipit verilindor.
Pas shumë përpjekjesh, 2 prej tyre, sulmuesi Rexhinaldo dhe portieri Maloku, u bashkuan me ekipin në Gjeorgji, dhe tashmë e gjithë vëmendja do shkojë tek fusha e lojës, ku kërkohet një rezultat pozitiv në ndeshjen e parë, për të shpresuar më pas në ndeshjen e kthimit në Shqipëri, që Kukësi të kalojë në fazën “play-off” të Europa League.
FORMACIONET
Torpedo Kutaisi: Kvaskvadze, Tsintsadze, Kukianidze, Azatski, Gegetçkori, Dolidze, Kimadze, Marin, Hlinka, Kobakidze, Lacni. Trajner: Kakhaber Çketiani
Kukësi: Frashëri, Hoxha, Shameti, Qaqi, Rrumbullaku, Çyrbja, Dzaria, Musolli, Kordeiro, Rexhinaldo, Harba. Trajner: Armando Cungu.