Sulmuesi i Milan, Krzysztof Piatek ia ka besuar llogarisë së tij në “Instagram” komentin për humbjen e pësuar me përmbysje, 2-1 ndaj Juventus. I mbërritur në kuotën e 8 golave me fanellën e Milan, polaku arriti të ndëshkojë për të parën herë bardhezinjtë.
Protagonisti kryesor në kampin kuqezi, Piatek nuk e mohoi entuziazmin e tij për golin e shënuar ndaj “Zonjës së Vjetër”: “I lumtur për golin e parë të shënuar kundër Juve, i zhgënjyer për gjithçka tjetër”, shkroi polaku.