Zhoao Vitor dhe Migel, respektivisht gjashtë dhe një vjeç, vuajnë nga Atrofia Muskulore e Shpinës. Prindërit e tij, të dëshpëruar, filluan një fushatë në rrjetet sociale për të mbledhur një milion eurot që duheshin për kurimin e dy fëmijëve të tyre.
Disa personalitete të njohura brazilianë iu bashkuan kësaj iniciative por ishte futbollisti i Liverpulit, Roberto Firminjo, i cili dha shumën më të madhe dhe i dha gjithashtu shpresë kësaj familjeje. Gruaja e futbollistit, Larisa Pereira, dha mesazhin e bukur, ku shprehej se ata do i dhuronin pjesën që kishte mbetur për të mbledhur të gjitha paratë, më shumë se 67 mijë euro.
Paratë do të përdoren për mjekimin e shtrenjtë për këtë sëmundje që prek zonën e shpinës, dhe shpresohet që efektet negative të kësaj sëmundjeje të vijnë duke u ulur tek fëmijët. Edhe mamaja e fëmijëve, Graciele, la një mesazh prekës në një video të postuar në Instagram: “Na keni ndihmuar shumë, kemi marrë donacione me shumë nga më të ndryshmet. Jemi lutur, dhe tashmë fitorja është e JONA. Kjo është një ndihmë nga prindër, nëna, fëmijë, shokë, gjyshër e njerëz nga e gjithë bota!|
