Ish-sulmuesin e Arsenal, Barcelonës dhe të Kombëtares franceze, Thierry Henry tashmë do të kemi mundësi ta shohim në një pozicion të ri, atë të trajnerit.
Pas eksperiencës si ndihmës-trajner te Belgjika, ku nën udhëzimet e Roberto Martinez arritën deri në gjysmë-finalet e Botërorit “Rusi 2018”, duke zënë më pas dhe vendin e tretë, tashmë francezi ka vendosur të kalojë në një nivel tjetër.
Mësohet se Henry ka pranuar ofertën për t’u bërë trajneri i Bordeaux në Francë, me vendimin përfundimtar që tashmë i takon pronarëve të rinj të ekipit të Zhirondinëve. Lajmi është konfirmuar nga mediat e huaja, e tanimë pritet që brenda javës së ardhshme të merret dhe miratimi përfundimtar i drejtuesve të ekipit të Ligue 1.
