Armando Cungu pas ndeshjes në një prononcim për Supersport është shprehur se ekipi ishte i lodhur nga kupat e Europës dhe nuk mund të presë që ndeshjen ta zgjidh vetëm një lojtar si Reginaldo, por pret reagimin e të gjithë ekipit.
“Jam i dëshpëruar për rezultatin. Ne e dominuam lojën. Ekipi ishte shumë i lodhur fizikisht nga kupat e Europës. Kishim mundësi që ta dyfishonim rezultatin pas golit të parë, por me një pakujdesi i dhamë mundësi Laçit të shënonte një gol me një faull që nuk ishte i nevojshëm. Reginaldo është shumë i mirë, jam i kënaqur me të, vrapon shumë.
Pres nga pjesa tjetër, nuk mund ta zgjidh situatën vetëm një futbollist. Harba pati një mundësi të artë, por nuk e bëri diçka të tillë. Unë do vazhdoj të bëj punën time, pasi ka vend për përmirësime. Se kur mund të vijë në formë skuadra, kjo është e vështirë ta them, por përmirësime po shoh”.