Pas disa skuadrave, me të cilat ka provuar të luajë në Shqipëri, Erjon Vucaj ka vendosur të provojë një aventurë të re në Kosovë. Sërish mes shqiptarësh do të mbetet shkodrani, që kulmin e vet si futbollist e pati me Laçin, ku ka mbajtur edhe shiritin e kapitenit dhe ka luajtur në Kupat e Europës.
Ka qenë klubi kampion Kosovar, që përmes një njoftimi për shtyp, ka bërë me dije marrëveshjen me fantazistin e spikatur: “Klubi ynë, FC DRITA, sot ka arritur marrëveshjen me Erjon Vucaj, lojtar që vjen nga kampionati shqiptar. Vucaj luan në pozitën e mesfushorit, ndërsa së fundi ishte pjesë e Vllaznisë së Shkodrës”.
