Sulmuesi i Nots Kauntit, Elisha Sam realizoi sot një gol me të vërtetë spektakolar në stilin “akrep”. 23-vjeçari shtangu tifozët dhe komentatorët e futbollit anglez me ekzekutimin perfekt në ndeshjen e Nots Kaunti-Oksford (3-1) e vlefshme për FA Trophy (kupa e skuadrave gjysmëprofesioniste të Anglisë).
Në minutën e 73-të, Sam nuk mendohet dy herë për ta kontrolluar topin, por e godet direkt me thembrën e djathtë duke e dërguar në mënyrë të mrekullueshme brenda në rrjetë. Në rrjete sociale, shumë njerëz janë shprehur se ky supergol meriton të kandidohet për “Golin më të bukur të vitit 2021”, çmimi “Pushkash”.