Gonzalo Higuain u transferua te Milani duke i bërë të gjithë fansat kuqezi se skuadra vërtet po kthehet dhe kërkon që të bëjë hapa përpara. Kështu ky operacion me Juvetnusin u komentua nga shumë lojtarë e ish-lojtarë ndërkohë që më i fundi është ish-sulmuesi i Juventusit, Bajernit dhe Romës, Luka Toni ai që ka folur për “Tuttosport” duke komentuar ikjen e Gonzalo Higuainit dhe ardhjen e Ronaldos te Juvetnusi.
“Ronaldo është një transferim i madh për Juventusin dhe me transferimin e tij, kanë bërë që klubet e tjera të lëvizin në treg. Interi ka punuar shumë mirë: De Vrij dhe Asamoa në një transferim të lirë, pastaj Naingolan dhe Keita, lojtarë shumë cilësorë. Higuain do ta bëjë Milanin të “fluturojë”. Ronaldo, Higuain dhe Ikardi dot bëjnë nga 30 gola në kampionat, një luftë e mirë (qesh). Ronaldo është një kampion dhe të dy argjentinasit janë “kafshë” sa i takon ashpërsisë. Parashikim? “Pipita” golashënues i Serie A këtë sezon”.
