Kryeministri Edi Rama bëri bujë së fundmi për vizitën e tij në Torino, së bashku me Igli Taren, për të ndjekur sfidën mes Juventusit dhe Lacios.
Edhe pse në klubin lacial ka shumë shqiptarë, Rama nuk mund ta fshehë simpatinë e tij për Juventusin, pavarësisht gjithçkaje. Në formë nderimi për vizitën e tij, kryeministri shqiptar pozoi me Kristiano Ronaldon dhe atij iu dhurua një bluze e yllit portugez me autografet e të gjithë lojtarëve.
Mesa duket Rama nuk ka menduar vetëm për vete në këtë vizitë të tij në Torino. Në formë dhurate ai i ka sjellë debutetit socialist Erjon Braçe një fanellë të Ronaldos me autograf. Kujtojmë që Braçe ashtu si Rama është tifoz i flaktë i Juves.
Fanellën, deputeti socialist e ka publikuar në rrjetin e tij social “Instagram” ku shkruan: “Kur te vjen vëllai nga jashtë shteti dhe te sjell dhurate Bardh e Zi!”.
