Kamza luan sot ndeshjen miqësore të radhës, ku përballë do të ketë Dinamon, një emër i njohur në futbollin shqiptar, por prej disa sezonesh noton në ujëra të turbullta, në Kategorinë e Parë. Interesant është fakti se kamzalinjtë janë përforcuar së fundi nga dy ish-dinamovitë, si Martinena dhe Orelesi.
Për blutë kryeqytetas, ky do të jetë testi më i fortë deri tani, teksa më parë kanë arritur dy fitore bindëse ndaj Dinamos U-19 dhe Erzenit. Ekipi i drejtuar nga trajneri Bledar Devolli vazhdon përgatitjet, ashtu si edhe merkaton për afrimin e futbollistëve cilësore, për ta përballuar si duhet kampionatin që është në prag.