Pas largimit të trajnerit të mirënjohur dhe Arsenalit, zbulohen prapaskenat e një marrëdhënie, që në vitet e fundit ishte bërë e vështirë. Arsen Venger nuk ndihej më i sigurt në ekipin londinez.
Tekniku francez nuk ndihej më i sigurt mes “tifozëve” të tij, që për afro dy dekada e kishin duartrokitur. Mbi të gjitha në dy vitet e fundit ishte kërcënuar dhe për ketë arsye, i kërkoi klubit t’i garantonte mbrojtje kur ishte në fushë.
Prapaskenat janë mbledhur nga gazetari Xhon Kros dhe u konfirmuan personalisht nga Venger. Trajneri kishte frikë, edhe prej faktit që në stadiumet angleze mungojnë barrierat mbrojtëse me tifozët.
Tensioni nisi në fundin e vitit 2014, kur pas ndeshjes me Stouk Sitin, Arsen Venger u përball me disa tifozë të zemëruar. Në atë moment tekniku e kuptoi se, asgjë nuk do të ishte si më parë.
