José Mourinho ka folur për kanalin televiziv të klubit të Manchester United, në të cilin ka bërë një apel direkt, sikurse një mesazh për drejtuesit më të lartë të klubit. Sipas trajnerit portugez, është e domosdoshme që ekipi të përforcohet, me qëllim që të qëndrojnë konkurent dhe për të aspiruar për ngritur trofeun e Premier League.
“Klubet që konkurojnë me ne janë shumë të fuqishëm, kanë skuadra të mëdha si Chelsea, Tottenham, Manchester City, ose nga ato që po investojnë fuqishëm, si Liverpool, që po blen gjithçka dhe këdo. Nëse nuk përmirësojmë ekipin tonë, atëherë do të jetë një sezon i vështirë për ne. Drejtori im e di prej kohësh se çfarë kërkoj unë. E di që ai përpiqet maksimalisht për mua, kam akoma disa ditë për të pritur dhe për të parë se çfarë do të ndodhë”, deklaroi Mourinho.
