PSG nuk do të ketë më si sponsor zyrtar kompaninë e famshme ajrore “Emirates”. Gjiganti i fluturimeve me seli në Dubai, nuk ka rinovuar kontratën e bashkëpunimit me parizienët e cila skadon në qershor të vitit të ardhshëm.
Shkak për këtë është bërë kërkesa e madhe financiare e PSG-së që kërkonte rreth 80 milionë euro në sezon për rinovimin e bashkëpunimit, shifër kjo e konsideruar e tepruar nga “Emirates”. Në këtë mënyrë sezoni 2018-2019 do të jetë i fundit që pas vitit 2006 me fanelën e francezëve që shkruan “Fly Emirates” në qendër të saj.