Andrea Pirlo nuk do të jetë zëvendës trajneri i kombëtares së Italisë. Ishe përfolur se ikona italiane e futbollit do të ishte në krahë të teknikut Roberto Mancini, por në fund akordi nuk u arrit. Sipas Agjencisë Italiane të Informimit “Ansa”, operacioni nuk u realizua për shkak të impenjimit të Pirlo-s me Sky. Ai ka firmosur për të qenë në rolin opinionistit për televizionin “Sky”. Por kundërshti pati edhe nga sponsorët personalë.
Vendi i tij në stafin e të kaltërve do të merret nga Angelo Gregucci, ndihmësi historik i Roberto Mancini-t. Kur u hodh ideja për të rikthyer Pirlo-n në kombëtare, tekniku italian tha se ishte pro këtij afrimi, duke hequr dorë madje nga ndihmësi i tij, që e ka shoqëruar kudo. Por duket se fati bëri që Pirlo të refuzojë, e Mancini e Gregucci të punojnë sërish bashkë.
