Skuadra e Kukësit ndodhet në Azerbaixhan për të luajtur ndeshjen e kthimit në Champions League. Gjatë qendrimit në Baku, kryeqytetin azer, lojtarët verilindor kanë takuar ish-mesfushorin e Skënderbeut, Sabien Lilaj, që shihet se janë duke konsumuar një kafe së bashku.
Lilaj është tranferuar këtë merkato verore te skuadra azere e Gabalas. Lilaj pa dyshim që në Superiore e ka patur kundërshtar Kukësin, por duket se sonte në mbrëmje mund të jetë një “përforcim” në shumë në tribunë për djemtë e Armando Cungut, pasi mesfushori e ka eksperiencën e duhur për ndeshje të tilla.
Qarabag-Kukësi do të luhet në orën 19:00. Verilindorët kualifikohen edhe me një barazim minimal 1-1, pasi në “Loro Boriçi” të Shkodrës janë ndarë me shifrat e bardha 0-0.
