Gashi ka arritur të marrë një fitore të rëndësishme me ekipin e tij Kolorado Rapids. Përballë ata kishin San Hozen, ekipin ku aktivizohet shqiptari tjetër, Jahmir Hyka.
Ky i fundit e ka filluar ndeshjen si titullar dhe është zëvendësuar në minutën e 67-të. Ndërkohë, nga ana tjetër, Gashi ka hyrë në fushë në minutë e 62-të. Takimi ka përfunduar me rezultatin 2-1 në favor të Kolorado Rapids.
Golat janë shënuar nga Smith dhe Boateng për ekipin e Gashit. Boateng ka shënuar në minutën e 93-të për ti dhënë fitoren ekipit të tij. Erkisen ka barazuar përkohësisht me 11-metërsh për San Hozen.
