Mbrojtësi i krahut të djathtë i Arsenalit, Stephan Lichsteiner, e ka përkrahur ish-klubin e tij për të fituar Ligën e Kampionëve. Lichtsteiner ka fituar shtatë kampionate radhazi me Juventusin nga viti 2011 deri në vitin 2018, por i ka humbur dy finale të Ligës së Kampionëve, dhe zvicerani beson se “Zonja e Vjetër” e meriton që ta fitojë trofeun europian.
“Shpresoj që Juventusi do ta fitojë Ligën e Kampionëve, e meriton pas humbjeve të dy finaleve”, tha ai për “Sky Sport”.
“Ronaldo? Nuk bëhem pishman për largimin, sepse këtë e kam dashur vetë. E dëshiroja një aventurë të re”.
Zvicerani iu bashkua Arsenalit gjatë kësaj vere si transferim i lirë, pasi nuk e rinovoi kontratën me Juventusin.