Pas kalimit të Cristiano Ronaldo tek Juventus, edhe Inter do të donte t’i dhuronte tifozëve të vet një lojtarë të madh. Ëndrra është kroati Luka Modric, lideri i kombëtares së tij në Botërorin e fundit dhe truri i Real Madrid.
Operacioni është shumë i komplikuar, duke parë se Florentino Perez nuk ka ndërmend të humbasë një tjetër prej protagonistëve të tri Champions League-ave të fituara radhazi, por dëshira e lojtarit mund të bëjë diferencën.
Inter do të provojë deri në fund, por po vlerëson edhe alternativa të tjera, që dërgojnë tek emrat e Gundogan dhe Fernandinho të City-it, Matic të United dhe Paredes të Zenit. Ndërsa, në Itali, emri i preferuar është Nicolo Barella i Cagliari-t.
