Klubi skocez Rangers e ka konfirmuar transferimin e përfaqësuesit të Shqipërisë, Eros Grezda, të premten.
Kosovari ka nënshkruar kontratë katërvjeçare me Rangers, dhe tani është në pritje të vizës për t’iu bashkuar klubit të ri.
Anësori 23-vjeçar nga Gjakova e nisi karrierën e tij seniore me klubet sllovene, Aluminij dhe Zavrc, para se të kalonte te klubi kroat, Lokomotiva, e pastaj te Osijeku.
Erosi është bërë blerja e 14-të e Steven Gerrardit për të kaltrit. Trajneri Gerrard beson se Erosi do të jetë hit në mesin e përkrahësve të Rangers.
“Ai është lojtar i shkëlqyer dhe adhuruesit do ta dashurojnë. Ai është shumë i shpejtë, shumë i drejtpërdrejt dhe vjen me përvojë ndërkombëtare”, shtoi ai.
🎥 FIRST INTERVIEW: @RangersTV subscribers can now watch an exclusive interview with new signing Eros Grezda.
WATCH NOW: https://t.co/7Wjr6KknrN
SUBSCRIBE TO RTV: https://t.co/FVbn5yUf7V pic.twitter.com/dWHk57cIN4— Rangers Football Club (@RangersFC) August 31, 2018
