Real Madrid ka rinovuar interesin për sulmuesin e Manchester City-t, Raheem Sterling këtë e raporton Sky Sports. Por thuhet se oferta pritet të bëhet përpara se të përfundojë merkato në kampionatet e mbetura të Europës. Kampionët e Europës janë duke monitoruar formën e 23-vjeçarit dhe ka dërguar përfaqësuesit e klubit për të qenë në Wembley më 8 shtator kur Anglia do të ndeshet me Spanjën në UEFA Nations League.
Sterling ka më pak se dy vite të mbetura në kontratën e tij dhe akoma nuk ka rinovuar me Qytetarët, me bisedimet që janë ndërprerë që prej qershorit.
Kevin de Bruyne, Fernandinho, David Silva dhe Otamendi kanë rinovuar kontratat e tyre në muajt e fundit, me trajnerin Pep Guardiola që i ka shtuar edhe Mahrez organikës.
Sterling ka shijuar sezonin më të mirë të karrierës gjatë vitit të kaluar, duke shënuar 23 gola në 46 ndeshje teksa City fitoi titullin e Premier League me një rekord 100 pikë.
