Partizani ka mundur thellë me rezultatin 6-1 Tomorin në miqësoren e zhvilluar ditën e sotme në Peqin. Të kuqtë që e mbyllën pjesën e parë në barazim 1-1, kanë arritur të shënojnë plot 5 herë në të dytën, pas aktivizimit nga trajneri Gega të titullarëve.
Tekniku i kryeqytetasve e nisi ndeshjen me formacionin e dytë, por duke parë vështirësitë që hasi ekipi në fraksionin e parë të lojës, vendosi të aktivizonte pas pushimit një pjesë të titullarëve që më pas bënë dhe diferencën.
Golat për Partizanin u shënuan nga Daci, Progni, Gojkoviç, Hila, dhe Trashi në fundin e takimit, ndërsa goli i pestë ishte një autogol i kundërshtarëve. Ndërkohë që beratasit luajtën për pjesën më të madhe të lojës me 10 lojtarë, pas daljes me të kuqe të një prej futbollistëve të tyre në pjesën e parë.