Gonzalo Higuain është blerja më e re e skuadrës së Milanit dhe i ka entuziazmuar të gjithë tifozët. Sulmuesi 30-vjeçar ka treguar si te Napoli ashtu edhe te Juventusi se nuk e ka të vështirë që ta gjejë rrugën e rrjetës. Te skuadra e Napolit ai ka vendosur dhe rekordin e tij personal të golave të shënuar në Seria A, me plot 36 të tillë.
Por ai është shprehur se te skuadra milaniste do të arrijë të thyejë rekordin e tij. “Kur nis një aventurë të re, kërkon sfida të reja. Do të ishte bukur të thyeja rekordin prej 36 golash, do të ishte diçka shumë e mirë për mua. Kam folur shumë pak me Gatuzon, por besoj se do të bëjmë mirë këtë sezon. Jemi gati për sezonin e ri! – u shpreh sulmuesi argjentinas.