Dita e parë e kthimit te bardhezinjtë nuk ka qenë shumë e mirë për Leonardo Bonucci-n, i cili është pritur nga indiferentizmi i tifozerisë bardhezi, të cilët nuk ia kanë falur akoma kalimin te Milan verën e kaluar.
Juventus, gjithsesi, pas vizitave mjekësore tradicionale, ka zyrtarizuar kthimin e tij dhe i ka dhënë mirëseardhjen me një mesazh në Tëitter.
Për të ndrequr marrëdhënien me tifozerinë duket se do të duhet pak kohë, pavarësisht provave për paqe të bëra gjatë dhënies së autografeve dhe fotografive të bëra këtë mëngjes në “JMedical”. Atmosfera festive është prishur nga disa vërshëllima dhe provokime.
“Jemi këtu për Ronaldo-n”, ka qenë komenti i disa tifozëve, të cilët kanë qenë jashtë qendrës stërvitore të bardhezinjve, duke konfirmuar marrëdhëniet aspak të mira mes tifozëve dhe lojtarit të kthyer në Torino pas një vit.
