Portieri brazilian Alisson ka një vetëbesim të madh dhe këtë po ia transmeton edhe prapavijës së Liverpool. Alisson mbërriti në Anfield për 74 mln euro nga Roma muajin e kaluar, një shifër rekord që u thye nga Chelsea me blerjen e Kepas nga Athletic Bilbao.
25-vjeçari nuk ka pësuar asnjë gol në tre ndeshjet e para të Premier League.
“Ai ka qenë brilant që kur ka ardhur,” shprehet Robertson për faqen zyrtare të Liverpool. “Ai ka një prezencë në prapavijë, e sheh teksa del në goditjet standarde dhe merr duartrokitjet e tifozëve. Ai po luan me vetëbesim dhe bravo i qoftë pasi këtë gjë na e transmeton edhe neve.”
Edhe Trent Alexander-Arnold ka vazhduar elozhet për të: “Mendoj se është një portier i klasit botëror dhe këtë e ka treguar edhe ndaj Brighton.”
Last minute. Big save.
👐 @Alissonbecker 👐 pic.twitter.com/F9AztS59gE
— Liverpool FC (@LFC) August 26, 2018
