Ai luajti 45 minutat e tij të dyta me fanellën e Barçës dhe, pavarësisht se nuk vlejti kaq i rëndësishë, sa kundër Tottenhamit, Arthur ende la një ndjenjë të mirë me paraqitjen e bërë në humbjen 4-2 ndaj Romës. Duket sikur të ketë luajtur te Barça gjatë gjithë jetës së tij. Një prekje e shijshme e topit dhe nuk i humb topat. Kësaj here ai ka luajtur më pak, por vazhdon të rritet. “Të tilla ndeshje i shërbejnë përgatitjet parasezonale, ndaj duhet të përmirësohemi dita-ditës”, – thotë braziliani.
Ekipi katalanas ka zbritur me më të rinj në fushë, kundër Romës, por Arthur nuk beson se kjo është arsyeja për humbjen: “Ne jemi këtu për t’u përshtatur, për të luajtur me Barcelonën. Edhe unë jam i ri, ne të gjithë e meritojnë një shans. Nëse të rinjtë janë këtu, me Barcelonën, kjo ndodh për shkak se kanë treguar potencial dhe cilësi për ta veshur këtë fanellë”.
Ish-lojtari i Gremio shpjegoi arsyet për përshtatjen e tij të shpejtë: “Trajneri më jep shumë besim dhe kolegët më kanë ndihmuar shumë. Unë gjithmonë përpiqem të zhvillohem. Dua t’i falënderoj të gjithë për dashurinë dhe jam shumë i lumtur që jam këtu”.
Arthur nuk e ka problem, nëse vjen edhe ndonjë tjetër mesfushor, që po kërkohet ende për të kompensuar boshllëkun e krijuar nga largimi i Iniesta: “Barcelona gjithmonë ka lojtarë të mirë, që duhet t’i përshtaten modelit të saj të lojës. E mira nuk ka fund, ndaj ky klub është gjithmonë në kërkim të lojtarëve më të mirë për t’i sjellë këtu”.
