Tri sezone te Juventusi, po kaq tituj kampioni të fituar, dhe tani, me më pak se surpriza, do të vijë i katërti. Alex Sandro është i vendosur të qëndrojë në Torino. Bardhezinjtë nuk kanë ndërmend ta privojnë veten nga mbrojtësi brazilian.
Dje, në veçanti, ka pasur një përpjekje tjetër nga PSG për lojtarin në fjalë, i konsideruar si element ideal për të forcuar më tej ekipin e ëndrrave, në dispozicion të trajnerit gjerman, Tuchel. Por, sipas “Sky Sport”, reagimi negativ i Juventusit ishte i qartë: mbrojtësi i majtë do të mbetet në Torino.
Një operacion që është diskutuar për javë dhe javë, por që kurrë nuk ka arritur një pikë vërtet interesante, ndaj duket se është i destinuar të bjerë në vesh të shurdhër. Gjithashtu, ky refuzim bardhezi vjen për shkak se Juventusi e kupton se koha për të zëvendësuar Alex Sandro do të ishte shumë e kufizuar.
Më kryesori do të ishte Marcelo, i cili dje u shmang në një konferencë shtypi, kur u pyet për një transferim të mundshëm te Juventusi: “Nuk dua të flas për këtë, ne duhet të luajmë një finale dhe nuk është koha e duhur”. Në këtë pikë, lojtari i kombëtares braziliane është i destinuar të mbetet në Madrid.
Alex Sandro është duke u përgatitur për të luajtur vitin e tij të katërt me fanellën e Juventusit. Gjatë merkatos verore u afrua edhe Manchester United për të, por nuk u bë asgjë. Edhe PSG tani duhet të ngrejë “flamurin e bardhë”.
