Moise Kin ishte protagonist absolut në finalen e Europianit U-19, ndonëse fatkeqësisht dopieta e tij nuk mjaftoi që Italia të mundte në finale Portugalinë. Pa dyshim që impakti i sulmuesit të ri të Juves ka bërë që Mino Raiola të nisë të gjejë “treg” dhe një ambient ku 18-vjeçari të ketë më shumë hapësirë, madje me menaxherin që ia ka ofruar Napolit, por kërkesa prej 20 milionë eurosh nga ana e Juves është konceptuar si e tepruar nga klubi i De Laurentis.
Gjithsesi, edhe sikur klubi i kaltër të kishte pranuar, ndoshta do të kishte qenë vetëm sulmuesi Moise Kin ai që do të kishte refuzuar dhe kjo për meritë të Kristiano Ronaldos:
“Nuk dua të largohem nga Juventusi, madje dua të qëndroj dhe të stërvitem çdo ditë përkrah Ronaldos. Është diçka shumë e bukur kur mendon se më ofrohet kjo mundësi, është një ëndërr dhe po pres me padurim ta takoj dhe të stërvitem përkrah Ronaldos”.