“E kam rrëfyer edhe më parë se shumë nga shokët e mi ndodhen në burg, ndërsa të tjerë tashmë kanë vdekur. Unë isha shumë pranë asaj rruge. Më kujtohet që bëja xhiro nëpër rrugë dhe ata më thirrnin një i mirë për asgjë, një bandit. Falë Zotit, unë nuk u shndërrova në të tillë. Ndodhem këtu në Premier League dhe ndihmoj familjen time”, tregoi Richarlison, një nga blerjet e bujshme të Everton në këtë merkato vere.
Richarlison u transferua te Everton nga Watford, duke shpresuar që ëndrrat e tij të mund të shndërrohen në realitet te Toffies, një nga klubet më të mëdha në Angli. Marrëveshja 5-vjeçare i kushtoi klubit të Everton plot 40 milionë sterlina. 21-vjeçari ishte bashkuar me Watford, aty ku Silva sapo ishte emëruar trajner nga Fluminese verën e kaluar. Richarlison shënoi pesë gola në 12 ndeshjet e tij të para në Premier League, por nuk e gjeti më rrugën drejt rrjetës deri në përfundim të sezonit.
