Trajneri i Liverpulit, Jyrgen Klop, i ka telefonuar mbrojtësit të Napolit, Kalidu Kulibali, për ta pyetur për mundësinë e një transferimi të tij në “Anfield” këtë verë.
Tekniku gjerman raportohet se i ka telefonuar yllit senegalez për t’i kërkuar atij se çfarë ka ndërmend që të bëjë në 12-18 muajt e ardhshëm.
28-vjeçari është përfolur për një transferim te gjigantët e Premier Ligës. Sipas “Le10 Sport”, Klop bëri lëvizjen e parë duke i telefonuar atij që e shikon si partnerin ideal të Van Dajkut në qendër të mbrojtjes dhe se Kulibali, i cili ka një kontratë deri në vitin 2023 me klubin italian, është ndier tepër i vlerësuar nga interesi i “Reds”-ave.