Ndërhyrja e rëndë e pësuar prej Sergio Ramos në finalen e vitit të kaluar nuk është harruar nga sulmuesi i Liverpoolit, Mohamed Salah, diçka që nuk ka munguar ta shpreh.
Ylli egjiptian ishte prezent në ceremoninë që UEFA zhvilloi mbrëmjen e djeshme në Monte Carlo, ashtu siç ishte dhe Ramos që mori dhe çmimin si mbrojtësi më i mirë i sezonit të shkuar.
Pas marrjes së çmimit për mbrojtësin më të mirë të UEFA-s, Ramos preku shpatullën e majtë të Mohamed Salah, zona e trupit që egjiptiani dëmtoi në finalen e 26 majit.
Një veprim disi i çuditshëm nga Ramos që shpresonte të qetësonte gjakrat me yllin egjiptian, me këtë të fundit që veproi me mjaft diplomaci, duke mos reaguar aspak.
