Real Madrid mbrëmjen e djeshme luajti ndeshjen e parë për sezonin e ri në shtëpi përballë Getafes. Ky 90 minutësh u mbyll me rezultatin 2-0, ku për vendasit shënuan Carvajal dhe Bale, i cili me shumë mundësi do të marrë “timonin” e kampionëve të Europës për këtë vit.
Të paktën kështu raporton e përditshmja “Marca”, ku ditën e sotme është hapur me uellsianin si lajm kryesor. Mbetet për t’u parë nëse anësori do të mund të bëjë rolin e udhëheqësit në “Santiago Bernabeu” pas largimit të Cristiano Ronaldos, i cili për vite me radhë ishte lojtari kryesor i skuadrës.
