Gledi Mici do të jetë në dispozicion të trajnerit të Shkëndijes Qatip Osmani për ndeshjen ndaj Salzburg në turin e tretë kualifikues të Champions League.
Lajmi është bërë i ditur nga vetë klubi tetovar, sipas të cilit ish-mbrojtësi i Skënderbeut ka marr aprovimin nga UEFA për të qenë pjesë e skuadrës në dy ndeshjet e ardhshme. Mici mungoi në takimet kundër Sheriff Tiraspol pikërisht për shkak të burokracive të federimit, por tashmë ai do të jetë në fushën e lojës në duelin e vështirë përballë austriakëve.
