Paolo Maldini, drejtori i zhvillimit strategjik për sportin te Milani, foli para nisjes së kuqezinjve drejt Napolit. “Djalli”nesër në mbrëmje në “San Paolo” do të luajë me vendasit takimin e parë të këtij sezoni.
“Ky është një udhëtim me ekipin. Unë nuk duhet që të luaj, nuk duhet që të jem në formë, por përqendrimi është gjithnjë i lartë. Ancelotti më telefonoi dje, është në një formë shumë të mirë. Na pret aty dhe ka gati mocarelën. Më bëhet qejfi që ka entuziazëm, skuadra duhet që të ndiqet me entuziazëm”, deklaroi Maldini. Ndërkohë që ky pritet që të jetë formacioni që trajneri Gennaro Gattuso do të hedhë në fushë për takimin ndaj të kaltërve.
Formacioni i mundshëm: Milan (4-3-3): Donnarumma; Calabria, Musacchio, Romagnoli, Ródriguez; Kessie, Biglia, Bonaventura; Suso, Higuain, Borini. Trajner: G. Gattuso
