Punët për Armando Sadikun tek Levante nuk po shkojnë aspak mirë. Formës jo të mirë të sezonit të kaluar, tashmë i është shtuar edhe dëmtimi, që sulmuesi i Kombëtares pësoi në miqësoren e sotme.
Në ndeshjen që Levante fitoi 1-3 ndaj ekipit holandez të Herenvenit, Sadiku u aktivizua në pjesën e dytë nga trajneri, por në minutën e 70-të, la fushën e lojës i dëmtuar seriozisht. Tashmë, mbetet të shihet shkalla e dëmtimit për sulmuesin.
