Kombëtarja e Shqipërisë mund t’i shtojë vetes njërin prej talenteve të futbollit italian. Bëhet fjalë për 19-vjeçarin Qëndrim Kameraj që është pjesë e skuadrës së dytë të Juventusit në Itali. Shqiptari me nënshtetësi zvicerane do të aktivizohet këtë sezon në Serinë C italiane pasi federata e vendit fqinj (FIGC) dha aprovimin për pjesëmarrjen e skuadrave të dyta të Serisë A në rangun e tretë të futbollit italian.
Vlera e tij në merkato (transfermarket) është përafërisht 50 mijë € dhe është pjesë e bardhezinjve deri në 2020. Pavarësisht se është aktivizuar me skuadrat zinxhir të Zvicrës, kjo nuk e pengon federatën shqiptare të futbollit të kontaktojë me të në të ardhmen për t’i ofruar pasaportën shqiptare dhe fanellën kuqezi.