Ciro Immobile do të jetë një nga protagonistët e Juventus-Lazio, ndeshje e vlefshme për javën e dytë të Serisë A, që do të luhet të shtunën pasdite në “Allianz Stadium”.
Tetorin e kaluar, Immobile ka realizuar dygolëshin që ka thyer një tabu, duke i dhuruar një fitore 2-1 bardhekaltërve në fushën e torinezëve, e cila mungonte prej 15 vitesh.
Pasi është mundur në ndeshjen e parë të kampionatit, skuadra e Inzaghi-t do t’i besojë përsëri atij të shtunën.
Ndërkohë, Allegri nuk ka vendosur se cilin prej sulmuesve të tij do të aktivizojë në krahun e CR7, me Dybala që mund të sakrifikohet.
