Partizani ka zyrtarizuar afrimin e radhës në kuadër të kësaj merkatoje. Besnik Ferati është lojtari i radhës që do të vihet në urdhrat e trajnerit, Skënder Gega. Mesfushori 18-vjeçar ka nënshkruar kontratë katër vjeçare me “Të kuqtë”. Ferati është pjesë e përfaqësueses së moshave U-21 të Maqedonisë ndërsa është formuar te klubi FC Shkupi. I riu është prezantuar paraditen e sotme në ambientet e klubit kryeqytetas.
Partizani ka konfirmuar afrimin e tij përmes një postimi të bërë në faqen zyrtare të ekipit në “Facebook”.
Mbrëmjen e djeshme, drejtuesit e “Demave të kuq” prezantuan përforcimin e radhës, mbrojtësin Alma Abbo Wakili. 21-vjeçarin e ardhur nga Shkëndija e Tetovës, i cili ka nënshkruar kontratë 1–vjeçare me opsion rinovimi.
