Real Madrid thuhet se është i interesuar për të nënshkruar me yllin e Chelsea-t, Marcos Alonso. Sipas “Tuttosport”, “Los Blancos”, e dinë se mbrojtësi i majtë spanjoll, i cili më parë ka qenë pjesë e Fiorentinës, nuk do të kushtojë më pak se 60 milionë euro. Një shifër e lartë, por 27-vjeçari ka shkëlqyer në dy sezonet e fundit në Premier League. Real Madridi aktualisht nuk është i gatshëm të paguajë këtë çmim dhe Chelsea nuk janë të hapura për të shitur Marcos Alonso, veçanërisht për shkak se merkato e transferimit në Premier League është mbyllur dhe blutë nuk kanë ndonjë shans për të gjetur një zëvendësues për 27-vjeçarin, nëse ai bashkohet me hierarkinë në “Santiago Bernabeu”. Sipas gazetës italiane, megjithatë, gjërat mund të ndryshojnë verën e ardhshme kur Juventusi mund të bëjë një përpjekje të re për të nënshkruar me Marcelo.
“Tuttosport” shkruan se nëse Juventusi do të nënshkruajë me mbrojtësin brazilian për një tarifë rreth 50 milionë euro, atëherë Real Madrid do të pranonte të paguante 60 milionë euro për të nënshkruar me Marcos Alonso nga Chelsea. Merkato e transferimit në La Ligës mbyllet në gusht, por blutë nuk dëshirojnë ta shesin spanjollin në Real Madrid këtë merkato. Gjithashtu “Los Blancos” janë të interesuar edhe për një mbrojtës qendre, nëse Jesus Vallejo mund të huazohet për të fituar më tepër eksperiencë. Alternativa e tij është Mario Hermoso (Madrid, 18-06-1995). Mbrojtësi i Espanyol përgjigjet ndaj profilit që Lopetegui kërkon: një qendër i majtë, i cili gjithashtu mund të luajë në anën tjetër.
Në fakt, ai filloi të luante si mbrojtës krahu, por më pas vazhdoi të luante më i tërhequr dhe më në fund vendosi pozicionin e tij në qendër të mbrojtjes. Sezonin e kaluar Jordi Lardín e mori atë në Espanyol. Klubi regjistroi një klauzolë prej 40 milionë eurosh. Real Madridi mori 400,000 euro për transferimin e tij, por, ashtu si Mariano, siguroi kushte të favorshme për një lëvizje të ardhshme. Nëse Reali ka sërish interes, tani duhet të paguaj vetëm 15 milionë euro. Everton shfaqi interes janarin e kaluar dhe Zenit St. Petersburg gjithashtu tregoi interes për Hermoso këtë verë, por Espanyol nuk i uli pretendimet e tyre ekonomike.
