Sevilla duket se ka hequr dore nga mesfushori i PSG-së, Julian Draxler. Spanjollët e konsiderojnë tepër të lartë kërkesën e francezëve për 24-vjeçarin, ndërkohë që një tjetër problem është edhe paga e lartë që gjermani merr në “Parc de Princes”.
Julian Draxler duket se ka përfunduar jashtë projektit të teknikut të ri të francezëve, Thomas Tuchel dhe në ditët e fundit të merkatos në disa kampionate, PSG po përpiqet të gjejë një sistemim për të.
Gjithsesi shanset më të mëdha janë që fantazisti të rikthehet në Bundesligë, i huazuar në ndonjë skuadër, të paktën deri në merkaton e janarit, pasi në këtë mënyrë PSG-ja do shpëtonte nga paga e Draxler.
