Presidenti i skuadrës së Sampdoria, Massimo Ferrero, ka dërguar një kërkesë zyrtare pranë Federatës Italiane të Futbollit, për të shtyrë ndeshjen e javës së parë që skuadra “blucherchiata” do të zhvillojë ditën e diel ndaj Fiorentinës. Siç dihet, Sampdoria është një ekip i qytetit të Xhenovës, aty ku një ditë më parë ndodhi tragjedia e rrëzimit të një ure, duke shkaktuar deri më tani 35 viktima.
“Qyteti i Xhenovës është i gjunjëzuar nga kjo ngjarje. Nuk mund të luajmë dot ditën e diel, në stadiumin tonë para tifozëve tanë këtë ndeshje, me këtë dhimbje të madhe që kemi. Ndaj i kërkoj zyrtarisht FIGC-së që të shtyjë ndeshjen e javës së parë ndaj Fiorentinës. Kjo ëhstë një dhimbje që nuk mund ta përshkruaj”, tha presidenti Ferrero. Deri ditën e enjte FIGC do të marrë vendimin pas kërkesës së skuadrës së Sampdoria.
📝 Raccoglimento al “Mugnaini” per #Genova e per le vittime del crollo di #ponteMorandi ➡️ https://t.co/9LWFEs9nBx pic.twitter.com/X3gMtrgHNi
— U.C. Sampdoria (@sampdoria) August 14, 2018