Futboll Premier League Sport

Transferimi surprizë/ Rafa Benitez larg pritshmërive, spanjolli drejt kampionatit kinez

Trajneri i Newcastle, Rafa Benitez, mund të përfundojë në kampionatin kinez. Sipas të përditshmes britanike “Mirror”, trajneri spanjoll ka marrë një ofertë nga skuadra e Superligës kineze Tianjin Quanjian, e cila aktualisht drejtohet nga portugezi Paulo Sousa. Por ky i fundit duket se nuk bind, ndaj kinezët mendojnë se Rafa Benitez është njeriu i duhur për të drejtuar, ndaj dhe janë gati t’i bëjnë një ofertë të mirë spanjollit.

Për Benitez ky është viti i fundit në kontratë me skuadrën e Newcastle, ndaj ai mund të largohet edhe më herët, ose në fund të sezonit, pasi shpesh gjatë dy viteve të fundit ka patur konflikte me klubin për shkak të merkatos së varfër. Edhe pse trajneri 58-vjeçar spanjoll është shprehur se është i kënaqur që drejton skuadrën e Newcastle, para një oferte të mirë nga Kina nuk do të rezistonte.

Burime nga skuadra kineze konfirmojnë interesimin për trajnerin spanjoll, që e vlerësojnë shumë për arritjet e tij me skuadrat ku ka drejtuar. Ndaj janë gati t’i ofrojnë një kontratë të re dhe një pagesë të majme për ta bindur.

Related posts

ZYRTARE: Florent Hadergjonaj nënshkruan me skuadrën e Premier Leagues

Q.Autor

VIDEO/ Mesi është i pandalshëm, ylli i PSG-së çmend rrjetin me supergolin e shënuar nga distanca

bora.autor

REVOLUCION TEK “KATALANASIT”/ Busquets rrezikon stolin, Koeman dëshiron tek Barcelona yllin e Ajax…

Delo.autor

Leave a Comment