Pas frikës së madhe që pushtoi të gjithë në ndeshjen Chievo – Juventus ku portieri Stefano Sorrentino u përplas me Cristiano Ronaldon, vijnë lajme të mira. Numri 1 i portës, i cili i mohoi disa herë golin superyllit portugez është në gjendje të mirë dhe po pret përgjigjet e testeve të fundit që kanë kryer mjekët, nën shoqërinë e bashkëshortes Sara.
Për të qetësuar të gjithë ka menduar pikërisht ajo, duke postuar në instagram një foto të bashkëshortit nga shtrati i spitalit, në të cilën Sorrentino shfaqet i ndërgjegjshëm dhe duke bërë shenjën OK me gishtin e madh të dorës lart. Por mbetet me qafore për të penguar çdo lëvizje të beftë që mund të përkeqësojë gjendjen.
Dyshohet se portieri i Chievos ka pësuar një goditje në kafkë dhe ndoshta edhe frakturë në hundë, por testet e para kanë nxjerrë rezultate negative. Në vazhdim ai do të mbetet nën mbikqyrjen e mjekëve, për të qenë të sigurt për gjithçka e për të mos i lënë asgjë rastisësë.
Sorrentino mbeti pothuajse ma ndjenja pasi u përplas me Ronaldon në rastin e golit të anulluar të Mandzukic dhe ndonëse në fillim nuk u kuptua mirë që gjendja e tij ishte e rëndë, ishin shokët e skuadrës që vrapuan në përpjekje për t’i hapur gojën dhe për t’i nxjerrë gjuhën jashtë, pasi ishte në gjendje të rëndë.
