Një tjetër futbollit spanjoll tërhiqet nga përfaqësuesja e Spanjës, duke ndjekur shembullin e Gerard Pique. Ai është David Silva, që nëpërmjet një letre të hapur, të publikuar në rrjetet sociale, shpjegon arsyet e këtij vendimi.
Mesfushori i Manchester City-t ka zhvilluar 125 ndeshje me “La Rojan” dhe ka shënuar 35 gola, që e shndërrojnë në golashënuesit e katërt më të mirë të përfaqësueses.
Ishte pjesë e brezit të artë të futbollit spanjoll që fitoi një Botëror dhe dy Europianë.
“Kam reflektuar për disa javë derisa mora këtë vendim, pra përfundimin e etapës sime në përfaqësuesen spanjolle të futbollit. Pa dyshim, ishte një nga vendimet më të vështira të karrierës sime.”
Silva falënderoi të gjithë bashkëpunëtorët e tij në kombëtare, duke veçuar trajnerin që nuk jeton më, Luis Aragones”.
